Бүгін Қармақшы ауданында Ұлы Отан соғысының ардагері, ұлағатты ұстаз Үсен Қошалақов атындағы математикадан дәстүрлі ХVІІ аудандық пәндік олимпиадасы басталды.

Олимпиаданың мақсаты-Ұлы Отан соғысының ардагері, ел ағасы, ұстаздардың ұстазы болған Үсен Қошалақовтың өмірін кейінгі ұрпаққа үлгі ету, өмір жолын насихаттау және оқушылардың математика пәніне деген қызығушылығын арттыру болып табылады.

XVІІ рет өткізіліп отырған игі бастама ауданымыздың алғыр да дарынды, білікті ұрпақтың өсуіне ұйытқы болмақ.

Үсен Қошалақов атындағы олимпиада өзінің ұзақ жылдар бойы қызмет еткен Жосалы кенті орталығындағы А.Жанпейісов атындағы №105 мектеп-лицейінде ұйымдастырылуда.

Бүгінгі ашылу салтанатында ұлағатты ұстаздың ұлы Қошалақов Әділ Үсенұлы ашып, қатысушыларға сәттілік тіледі.