"Тағзым алаңының" ашылуы болып өтті
Алдашбай ахун ауылында ауылдың кіре берісінде Алдашбай ахун ауылы бойынша 1941-1945 жылдар аралығында Ұлы Отан соғысына аттанған 249 аталарымыздың есімі жазылған "Тағзым алаңының" ашылуы болып өтті.
Салтанатты шарада ауыл әкімі Е.Жақанов, ардагерлер кеңесінің төрағасы Қ.Айтмақанов, Қ.Шайменалиев және арнайы келген қонағымыз ақын Серік Ыдырысов ағаларымыз лента қиып,сөз сөйлеп, тілектерін айтып өтті. Шара барысында Тағзым етіліп, гүл шоқтары қойылды.
Одан әрі орталық алаңда спорттық жарыстар арқан тартыс, қол күрес, гір тасын көтеру, жүгіру ұйымдастырылды.
Барлық жеңімпаздарға ақшалай жүлделер табысталды. Одан әрі клуб үйінде ауыл тұрғындарының ұйымдастыруымен ас беріліп, құран бағышталды.
