Біздің білім ошағымыз саналатын – мектебіміздің кітапханашысы Жанар Ешниязова жайлы тарқатып айтар болсам, ол өзінің еңбек жолын Қазалыда әлеуметтік қызметкер болып бастап, үйден оқитын балалармен тығыз байланыста болған. 2007 жылы Қорқыт ата атындағы университетті тарих пәні бойынша тәмамдаған. Төретам кентіндегі No85 мектепке 2020 жылы лаборант болып қабылданып, 2021 жылы бала- лар кітапханашысы болып тағайындалды. 2021 жылы өзінің еңбегінің арқасында мектеп директорының «Алғыс хатына» ие болды. Облыстық семинарда үздік жұмыстар көрсетіп, аудандық білім бөлімінің «Құрмет грамотасымен» марапатталды. Мектепішілк іс-шараларды ұйымдастыру кезінде әрбір сыныптан әдеби оқулықты оқуға ынталандыратындай, оқырмандарға қызмет көрсету, оқырмандардың қызығушылығын қалыптастыру, сұранымын қанағаттандыру, оқуға басшылық жасау жолында көп еңбек етті. Қоғамға жақсы танылған осындай қызметтерді атқара отырып, кітапханашы халыққа адамгершілік тәрбие берудің ұйымдастырушысы ретінде көрінеді.

Мәдени ой-өрісінің кең болуы, мамандық білімінің тереңдігі, педагогикалық жұмыс әдістерін игеру – кітапханашыларға тән қасиет. Міне, осы қасиеттер Жанардың бойынан табыла білді. Балалар әдебиетін насихаттаушы, ұлы жазушылар мен ақындарымыздың шығармасын дәріптеу, кеңінен тарқату мақсатында, ізденімпаздығының арқасында жас оқырманның көзайымына айналған жанға құрметіміз шексіз.