Бүгін 25 қазан – Республика күніне орай С.А.Джиенкұлов атындағы Байқоңыр жоғары колледжінің жас оқытушыларымен дөңгелек үстел өткізілді.

Шараға "AMANAT" партиясы Байқоңыр филиалы Саяси кеңесінің мүшесі, "Космос" БПҰ жетекшісі Гүлжазира Байтерекова қатысты.

"Егемендікке бастайтын қасиетті жолды халқымыз ұзақ жылдар бойы жүріп өтті. Ел ағалары мен зиялылары ұлттың санасын сақтау үшін қолынан келгеннің бәрін жасады. Егемендік декларациясын халқымыздың жан-жақты және ұзақ жылғы күресінің нәтижесі", - деді Г.Байтерекова.

Сондай-ақ, партия филиалы Саяси кеңесінің мүшесі "AMANAT" партиясы мемлекеттің дербестігі, ұлттың азаттығы, қоғамның еркіндігі - ешқашан, еш нәрсеге айырбасталмайтын ұлы құндылық екендігін көпке насихаттауға бағытталған шараларды жүзеге асыруды жалғастырады деп атап өтті.

Жиын соңында қатысушылардың ой-пікірлері тыңдалып, сұрақтарына жауаптар берілді.