Бүгінде Қызылордадағы шыны зауыты құрылысының 40пайызы дайын. Ал қажетті құрал-жабдықтар толығымен жеткізілді. Өңірліккоммуникациялар орталығында өткен брифингте «Orda Glass» ЖШС басқарма төрағасыЕржан Сағымбаев осылай мәлімдеді.
Ондағы төрт кешеннің үшеуінде құрылыс жұмысыжүргізіліп, 200-ге жуық жұмысшы жұмылдырылған. Қазіргі кезде теміржол тұйығы,су құбыры және кәріз су жүйесін жеткізу бағытында шаралар атқарылып жатыр.Аталған нысан өндіріске жаңа технологияларды енгізуге негізделген. Бұл –Президенттің биылғы Жолдауында көрсетілген басымдықтардың бірі.
– Мемлекеттік басқару, экономика, агроөнеркәсіп,өндіріс – барлық салада цифрлық технология болады. Бүгінгі күні төртіншіөнеркәсіптік революция басталды. Әлем елдері цифрлық технологияға бет алды.Бұған біз де мүдделіміз, – деді Е.Сағымбаев.
Салынып жатқан шыны зауытында планшет, смартфон,күн панельдеріне арналған өте жұқа шыны өнімдері шығарылады. Құрылысты аяқтауміндетін қытайлық «China Triumph International» компаниясы мен «Orda Glass»серіктестігі міндетіне алған. Е.Сағымбаев алғашқы өнім биыл Астана күніқарсаңында шығарылатынын айтты.
Н.САНИЯЗОВА.