АЭС қолдау жөніндегі аудандық Халықтық штаб коммуналдық сала қызметкерлерімен кездесті
Кездесуде Халықтық штаб мүшесі А.Тулебеков атом электр станциясы экономиканың, өнеркәсіптің, білімнің, ғылымның дамуына тың серпін беретін аса маңызды жоба екенін ерекше атап өтті. АЭС түрлі тәуекелдің алдын алып, елімізді қуатты энергетикалық базасы бар прогрессивті мемлекеттердің қатарына қосады.
-АЭС құрылысы елдегі электр энергиясының тапшылығын азайта отырып,халқымыздың болашағын одан әрі тұрақты, әрі сенімді ете түспек. Атом электр станциясы- ол жай ғана инфрақұрылымдық нысан емес, еліміздің энергетикалық қауіпсіздігінің кілті,- деді Халықтық штаб мүшесі.
«АЭС салу – бір күннің мәселесі емес. Жобаны іске асыру он жылды, тіпті одан да көп уақытты алады. Бәріңіз де экономикасы дамыған, болашағы зор, қуатты да тәуелсіз Қазақстанда өмір сүргілеріңіз келетіні сөзсіз. Президентіміз Қасым-Жомарт Тоқаевтың да көздегені – осы. Қазіргі қолға алынып жатқан істер, ең алдымен, сіздер үшін жасалып жатыр. Ендеше, батыл шешім қабылдайтын уақыт жетті. Олай болса, алдағы референдумда АЭС салуға қолдау көрсетіп, өз болашақтарыңыз үшін дұрыс таңдау жасауларыңыз қажет», – деп айтылған еді Президенттің халыққа Жолдауында.
