Аудандық қаржы саласы мамандарымен кездескен Халықтық штаб өкілдері АЭС салудың елдің энергетикалық тәуелсіздігі мен қауіпсіздігі үшін маңыздылығын талқылады.

Қаржы саласы қызметкерлері АЭС құрылысының экологиялық таза, тұрақты және сенімді энергия көзі екендігі туралы ақпарат алды.

«Қазіргі таңда Қазақстан электр энергиясының бір бөлігін импорттауға мәжбүр болып отыр. АЭС осы тәуелділікті азайтып, тұрақты әрі өзіміздің энергиямызды өндіруге мүмкіндік береді», – деп атап өтті аудандық Халықтық штаб жетекшісі Ә.Қошалақов.

Сонымен қатар, АЭС құрылысының жергілікті экономиканы дамытуға, жаңа жұмыс орындарын құруға мүмкіндік болатыны жайлы сөз болды.

«Атом электр станциялары парниктік газдарды шығармайтындықтан, олар экологиялық таза энергия көзі болып табылады. Радиоактивті қалдықтар арнайы жасалған көп қабатты қорғаныс контейнерлерінде сақталады және олардың қоршаған ортаға әсері толығымен болдырылмайды. Осылайша, радиоактивті қалдықтарды басқару жүйелері халықаралық қауіпсіздік стандарттарына сай жұмыс істейді» - деді штаб мүшесі К.Раева.

Жиынға қатысушылар Халықтық штаб мүшелеріне өздерін толғандырған сұрақтарын қойып, сұрақтарына толыққанды жауап алды. Сонымен қатар АЭС салу жобасын қолдайтындықтарын жеткізді.