АЭС салу - уақыт талабы
АЭС-ті қолдау жөніндегі аудандық Халықтық штаб өкілдері: Ә.Қошалақов, Д.Қанатбай, Ж.Болысбекова ауданның бірқатар кәсіпкерлік салада жұмыс жасап жүрген мамандармен кездесті. Жиынға қатысушыларға Халықтық штаб өкілдері атом электр станциясының еліміз үшін маңыздылығына тоқталып азаматтарға жан-жақты мәлімет берді.
- АЭС салудағы ең басты қажеттілік – электр энергиясы тапшылығын шешу. Атом энергиясы арқылы еліміздің әл-ауқаты түзеліп, мыңдаған жұмыс орындары ашылып, жаңа маман иелерін дайындауға ықпал етеді-деп ашып айтты штаб жетекшісі Ә.Қошалақов.
-Еліміздің көптеген қалаларында экологиялық жағдайдың күрделеніп бара жатқандығы ешкімге жасырын емес. Сондықтанда біз АЭС салу арқылы тек электр энергиясына деген тапшылықты ғана емес, экологияның жақсаруына да қол жеткізетін боламыз-деп тілге тиек етті штаб мүшесі Д.Қанатбай.
Сала мамандары АЭС жайлы оң пікірлерін білдіріп, бірауыздан қолдайтындарын жеткізді.
#АЭСРеферендум
#Референдум2024
#ХалықтықШтаб
