ХАЛЫҚТЫҚ ШТАБ ӨЗ ЖҰМЫСЫН ЖАЛҒАСТЫРУДА
Қазақстан Республикасының Президенті Қасым-Жомарт Кемелұлы Тоқаевтың кезекті Жолдауында көрсетілген жалпыұлттық референдум өткізу бойынша АЭС салуды қолдау жөніндегі аудандық халықтық штаб мүшелері Т.Ералиев,М.Бекбаев аудандық орман шаруашылығы ұжымымен кездесті.Жиын барысында аудандық халықтық штаб мүшесі М.Бекбаев: « 2021 жылы 1 қыркүйектегі Жолдауында Мемлекет басшысы Қасым-Жомарт Тоқаев 2030 жылға қарай елімізде электр энергиясы тапшылығы туындайтынын айтқан еді. Энергетика министрлігінің мәліметінше, қазірдің өзінде электр энергиясына сұраныс артып, жетіспеушілік байқала бастаған. Бүгінде еліміздегі электр энергиясының тапшылығы 1,3 ГВт құрап отыр. Осы тұста биыл оны тұтыну рекордтық көрсеткішке жеткенін, яғни 7%-ға артқанын атап өту керек. Сондықтан АЭС елімізге энергия тапшылығы тәуелсіздігін азайтады, еліміздің өркениетті елдер қатарына қосылып, ел экономикасының алға қарай жылжуына алып келеді»,-деп түсіндірді штаб мүшесі.
Кездесуде орман шаруашылығы ұжымы өздерін толғандырған сауалдарын қойып,штаб мүшелерінен жауап алды.
Алдағы уақытта аудандық штаб мүшелері өз жұмыстарын жалғастыратын болады.
#Референдум2024
