АЭС – болашақтың энергиясы

Бүгін Қармақшы ауданындағы АЭС салуды қолдау жөніндегі халықтық штаб өкілдері "Қазпошта" мекемесінің қызметкерлерімен кездесті.

Онда Мемлекет басшысының халыққа жолдауынан туындаған мақсат-міндеттерді баяндап, қатысушылар тарапынан қойылған сауалдарға жауап берді.

Жиында штаб мүшесі Е.Ұзақбаев АЭС құрылысының маңызы мен қажеттілігін түсіндірді. Сонымен қатар АЭС құрылысы елдің экономикасы мен энергетикалық қуатын арттыратынын тілге тиек етті.

«Бүгінде Жасыл энергияны пайдалану дамыған елдерде қарқынды жүзеге асуда. АЭС құрылысын жан-жақты зерттеген ғалымдар бірнеше саты қорғаныс қабатын қалыптастырған. Атом энергиясы арқылы еліміздің әл-ауқаты түзеліп, мыңдаған жұмыс орындары ашылып, жаңа маман иелерін дайындауға ықпал етеді және болашақта электр тапшылығын шешудің бір ден бір жолы», – деді штаб мүшесі Ә.Мерекова.

Кездесуде мекеме қызметкерлері штаб мүшелеріне толғандырған сауалдарын қойып, пікір алмасты.