Автокөліктегі өрт қауіпсіздік ережелерін сақтаңыздар

Автокөліктегі өрттің көбеюіне байланысты Қармақшы ауданы Төтенше жағдайлар бөлімі «Автокөліктегі өрт қауіпсіздігі» тақырыбында профилактикалық іс-шара өткізді. Төтенше жағдайлар бөлімінің қызметкерлері автокөлік жүргізушілеріне іс-шараның мақсатын, сонымен қатар көлік құралдарындағы өрт қауіпсіздігі ережелерін түсіндірді.

Төтенше жағдайлар бөлімінің қызметкерлері көлікте өрт шыққан кездегі іс-әрекеттер туралы айтты:

Егер сіздің автокөлігіңіз қозғалыс кезінде жанған болса, өрт кезінде автомобильдегі жүріс-тұрыс ережелерін сақтаңыздар:

- автокөлікті тоқтатыңыз;

- қозғалтқышты өшіріңіз;

- барлық жолаушыларды шығарыңыз;

- «101» немесе «112» нөмірі арқылы өрт сөндіру қызметін шақырыңыз;

- көліктегі өрт сөндіргішті пайдалануға тырысыңыз. Қозғалтқыш бөлігінде өртті сөндіру кезінде суды қолданбаңыз, себебі бұл электр сымдарының қысқа тұйықталуын немесе жанып жатқан бензиннің таралуын және жану ауданының ұлғаюын тудыруы мүмкін.