Автокөліктегі өрт қауіпсіздігі ережелерін сақтаңыз!
Көлік өрті пәтер мен жеке үйлердегі өрттерден кейін көп кездеседі. Қазіргі заманғы автомобильдердің тез жанып кетуі бұл көбінесе көлік иесінің көз алдында болып жатады. Жылы ескі және жаңа көліктердің күтпеген жерден өртеніп кетуі жиі орын алуда.
Осыған орай аудандық Төтенше жағдайлар бөлімі автокөлік иелеріне ескертеді:
Автокөлігіңізді дер кезінде техникалық байқаудан өткізіңіз; Үнемі оның дұрыс екенін қадағалаңыз, әсіресе электр сымдарға баса назар аударып, тексеріңіз.
Әрқашанда көлігіңізде өрт сөндіргіш құралы болсын, оны қолжетімді жерде ұстаңыз. Егер сіздің автокөлігіңізде өрт пайда болған жағдайда сол заматта көлікті тоқтатып, өрт сөндіргіш құралын алып, капотқа жақындатып шашыңыз.
Іс жүзінде тілсіз жаудың тоқсан пайызы электр сымдарының қысқаша тұйықталуынан болады. Егер өрт сөндіргіш құралыңыз тиімді болмаса, әрі қарай құм мен топырақты пайдаланыңыз. Көлік жанған уақытта мүмкіндігінше есік пен терезені ашық қалдырмаңыз. Есігін мықтап жаппасаңыз, өрт шарықтап кетуі мүмкін.
Егер көлігіңізден өрт шықса аккумулятордың клеммасын ажыратып тастаңыз. Сондай-ақ автокөлікте электрмен дәнекерлеу және басқа да отпен байланысты жұмыстарды жүргізуде нұсқаулықтан өткен, рұқсат құжаты бар мамандарға жасату қажет.
Құрметті автокөлік иелері, өртті сөндіргеннен гөрі сақтық ережелерін есте сақтап, алдын алған оңай екенін ұмытпаңыз.
Төтенше жағдай орын алған жағдайда «101», «112» телефондарына хабарласыңыздар.
С.ӘБЖАЕВА,
аудандық төтенше жағдайлар бөлімінің
инженері, азаматтық қорғау майоры
