"Қауіпсіз автокөлік"

Қармақшы ауданы Төтенше жағдайлар бөлімі мен Жергілікті полиция қызметкерлерімен бірлесіп, автокөліктердегі өрт оқиғаларын төмендету мақсатында ағымдағы жылдың 14 наурызында "Қауіпсіз автокөлік" акциясын өткізді.

Көбіне өрт шығудың себебі - электр желілерінің қысқаша тұйықталуы болып табылады.

Автокөлікте өртті болдырмау үшін, жеке автокөлікті техникалық дұрыс күйінде сақтау, зауыт нұсқаулығының талаптарына сәйкес пайдалану мен техникалық қызмет көрсету, сонымен қатар өрт қауіпсіздік ережесін қатаң сақтау қажет.

Автокөліктерде өртті болдырмау мақсатыңда, әуесқой автомобильшілері арасында автокөліктерде өрт қауіпсіздік ережелерін сақтау нұсқауларының орындалуы бойынша түсіндірмелер берілді.

Қармақшы ауданы Төтенше жағдайлар бөлімінің қызметкерлері автокөлік иелерін көліктің электр өткізгіштерінің оқшаулануы күйіне, түйісу сапасына, сонымен қатар алғашқы өрт сөндіру құрылғыларын (өрт сөндіргіштер) жарамды күйде болуына жете назар аударуды үндейді.

Электр жүйесіндегі барлық өзгерістері немесе қосымшалары білікті мамандармен сапалы тексерілуі тиіс.

Жеке көлік құралының әрбір автокөлік иесінің өз автокөлігі мен гаражында өрт қауіпсіздік ережесінің сақталуына жоғары жауапты болса ғана, тұтану мен өрттердің шығу мүмкіншілігін болдырмайды.

Автокөлік егелері, көліктегі өрт қауіпсіздік ережесін сақтаңыздар!!! Өрт болған жағдайда 101 телефонына хабар беріңіздер!