Кеше Байқоңыр қаласының орталық алаңында 30-тамыз Қазақстан Республикасының Конституция күніне орай салтанатты шара өтті.

Шарада облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қ. Нұртай және Байқоңыр қаласы әкімшілігі басшысы К. Бусыгин барша қала тұрғындарын мерекемен құттықтап, ізгі тілектерін жеткізді.

Сонымен қатар Қ. Нұртай Мемлекет Басшысы Қасым-Жомарт Кемелұлы Тоқаевтың Жарлығымен «Алтын алқа», «Күміс алқа» мемлекеттік наградасымен марапатталған шаңырақтың ұйытқысы, саналы ұрпақ тәрбиелеп отырған алтын құрсақты аналарды құттықтап, мемлекеттік награданы табыс етті.

Бұдан бөлек, бірқатар сала үздіктеріне облыс әкімінің «Алғыс хаты» табысталды.

Арнайы Конституция күнімен құттықтап, мерекелік шараға Қызылорда облыстық филармония әртістері келіп өнер көрсетті.

Салтанатты шара, қала тұрғындарына ерекше көніл – күй сыйлайтын концертпен жалғасты.