Батырлар аллеясы
qarmaqshy-tany.kz Ұлы жеңіс күні қарсаңында Байқоңыр қаласының орталық саябағы жанынан Қазақстан Республикасы мен Ресей федерациясы достығы аясында Ұлы отан соғысы батырларына арналған аллея ашылды.
Салтанатты шараға облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, Байқоңыр қаласы әкімшілігінің басшысы Константин Бусыгин қатысып, қатысушыларды Ұлы Жеңіс күні мерекесімен құттықтап, жүрекжарды жылы лебіздерін білдірді. Сонымен қатар, қала тұрғындарының әлеуетін арттыруда атқарылып жатқан іргелі істермен таныстырды. Шараға қатысушы тыл, еңбек ардагерлеріне құрмет көрсетті.
Одан әрі салтанатты шараға қатысушыларға қала өнерпаздары ән мен жырдан шашу шашып, мерекелік көңіл-күй сыйлады.
