Дүр Оңғар ауылында 31 мамыр – саяси қуғын сүргін құрбандарын еске алу мақсатында «Тарихтан тағылым – өткенге тағзым» атты салтанатты шара ұйымдастырылды. Қазақ халқының басына түскен ауыр жылдарда жаппай саяси қуғын сүргіннің құрбандары болған Тұрғанбаев Ахмет, Жайшылықов Тыныштыбай, Төребаев Жұқа, Бекмұрзаев Сүйіндікке арнап, осы ауылдың тумасы Ахметов Молдабек тас-тұғыр орнатып ескерткіш белгі қойды. Жиында облыстық мәслихат хатшысы Н.Байқадамов, облыстық «Қоғамдық келісім орталығы» директорының орынбасары, мемлекет және қоғам қайраткері Е.Уәйіс, аудан әкімі С.Мақашов сөз сөйлеп, атаулы датаның маңыздылығына тоқталса, ауданның бас имамы А.Жарқынбеков жазықсыз жапа шеккендердің әруақтарына арнап құран бағыштады.