«Жасыл елдіктер» марапаты
«Жасыл ел» мемлекеттік бағдарламасы – жастарды маусымдық жұмыспен қамтуға, елді мекендерді көгалдандыруға, абаттандыруға, жастарды патриоттық тұрғыда тәрбиелеуге бағытталған жалпыұлттық қозғалыс.
Жақында Жосалы кентінің әкімі Алмасхан Досмұратов «Жасыл ел» жастар жасағында еңбек етіп, Жосалы кентінде көгалдандыру, көркейту жұмыстарына белсенді қатысып, республикалық «Таза Қазақстан» акциясына үлесін қосқан бірқатар жасты қабылдап, арнайы алғыс хатпен марапаттады. Сонымен қатар еңбекқор, патриот, білімді жастарды тәрбиелеп жүргені үшін «Жасыл ел» еңбек жасағы жастарының ата-аналарына құрмет көрсетіліп, алғыс хат табысталды.
