ҚР Парламенті Мәжілісіндегі "AMANAT" партиясы фракциясының мүшесі Мархабат Жайымбетов Байқоңыр қаласында болып, онда бірнеше нысандарды аралады.

Бірінші кезекте, Мәжіліс депутаты космонавтика мұражайының жұмысын көрді. Мұражайдың тарихы болашақ ғарышкерлер, әскери және зымыран жасаушылар бос уақытын өткізетін офицерлер үйінен бастау алады.

Мұнда шығармашылық кештер, кино көрсетілімдері және басқа да мәдени шаралар өтті.

Космонавтика мұражайынан кейін халық қалаулысы Ю.А.Гагарин мен С.П.Королевтың үйлерін аралады.

Гагарин мен Королевтың үйлері - Байқоңыр ғарыш айлағындағы ең көне ғимараттар. Олар әлемдегі алғашқы ғарышкердің және КСРО-дағы зымырандардың бас дизайнерінің есімдерін алып жүреді.

Мұнан соң Мархабат Жайымбетов "Буран" орбиталық кемесімен танысты.

"Буран" - "Энергия - Буран" бағдарламасы аясында құрылған кеңестік орбиталық кеме - қайта пайдалануға болатын көліктік ғарыш жүйесінің зымыран ұшағы.

"Байқоңыр" ғарыш айлағы тарихы мұражайынан кейін Мәжіліс депутаты "Бәйтерек" ғарыштық зымыран кешенінің жұмысымен танысты.