Жол талғамайтын темір тұлпарлар бейнетіркегішпен, жарықдиодты қондырғымен  және навигациялық жүйелермен жабдықталған, деп хабарлайды 24kz. Су жаңа көліктердің кілті Ішкі істер органдарының негізгі буыны - халықпен тікелей жұмыс жасайтын учаскелік полиция инспекторларына берілді. Сонымен қатар облыс орталығындағы Бәйтерек-1 шағын ауданынан жаңа учаскелік полиция пункті ашылды. Блиц: - Жаңа беріліп жатқан автокөлік бізде хабарламаларға шұғыл жетуге көмектеседі және қоғамдық тәртіпті сақтауға ықпалын тигізеді. Қызылорда қаласының екінші учаскелік полиция пунктінің учаскелік полиция инспекторлары жиырма мыңнан астам тұрғыны бар қаланың орталығын қамтиды. Алдағы қатардағы учаскелік полиция пункті арнайы планшеттермен, бейнебақылау камераларымен жабдықталған.