Полиция инспекторларының жұмысымен танысты

Қармақшы ауданының полиция бөлімінің бастығы полиция полковнигі Жаркинбаев Бахытбек Зейнуллаевич Жосалы кентінде орналасқан №1 және №2 тірек пункттеріне барып, учаскелік полиция инспекторларының жұмыстарымен танысты. Бөлім бастығы аудан көлемінде қоғамдық тәртіп пен қоғамдық қауіпсіздікті сақтаумен қатар, қылмыс пен құқық бұзушылықтың, сонымен бірге жол қозғалысы ережелерін өрескел бұзушылықтың алдын алу мақсатында учаскелік полиция инспекторларына нақты бағыт - бағдар бере отырып, халықпен барынша тығыз байланыста болып, адал қызмет атқару қажет екендігі жөнінде түсіндірме жұмыстарын жүргізді.
Сонымен бірге, Республика және облыс көлемінде өткізіліп жатқан «Құқық тәртібі», «Заңсыз тасымалдаушы», «Заңсыз келуші», «Киік» жедел профилактикалық іс-шараларының маңыздылығын ескеріп, тиісті деңгейде жан-жақты жұмыстың ұйымдастырылу қажет екендігін атап өтті.