Аудан көлемінде ағымдағы жылдың 15-19 ақпан аралығында қоғамдық тәртіпті тиісінше қолдау, заңсыз көші-қонды ескерту, жолын кесу, сондай-ақ шетелдіктер мен азаматтығы жоқ адамдардың Қазақстан Республикасында болу тәртібінің қағидаларын бұзушылықтарын анықтау мақсатында «Мигрант» жедел-профилактикалық іс шарасы өткізілуде. Қармақшы ауданының полиция бөлімнің жергілікті полиция қызметі бөлімшесінің учаскелік полиция инспекторларымен, аудан көлемінде салынып жатқан құрылыс нысандары тексерілді.

Тексеру жүргізудің негізгі мақсаты аудан көлемінде заңсыз жүрген шетел азаматтарын анықтау және оларды елден шығару болып табылады.

Сонымен қатар, құрылыс нысандарының басшыларына заңсыз шетел азаматтарын жұмысқа тартқандары үшін жауапкершілікке тартылатыны туралы түсіндірме жұмыстары жүргізілді.