Ауылдың тәртіп сақшысы

Қармақшы ауданы Ақтөбе ауылына бекітілген Қармақшы ауданының Полиция бөлімінің Жергілікті полиция қызметі бөлімшесінің учаскелік полиция инспекторы полиция майоры Ибраев Бегімжан Сағындықұлы бүгінгі таңда өзінің туып өскен ауылында елдің тыныштығы мен қоғамдық қауіпсіздігін сақтап келеді. Ауыл тұрғындарымен етене араласатын және елдің ахуалын жақсы білетін Бегімжанға ауыл ақсақалдары да дән риза. Оның куәсі ретінде Ақтөбе ауылының кіре берісіндегі жолдың торабына ауыл тұрғындарының ризашылығымен учаскелік полиция инспекторы Ибраев Бегімжанның суреті баньер маңдайшасына ілініп тұрғанын байқауға болады. Учаскелік полиция инспекторы полиция майоры Б.Ибраев өзінің мамандығын мақтан тұтатынын және алдағы уақытта да халықтың өзіне деген сенімін ақтайтынын білдірді.