"AMANAT" партиясының "Бақытты отбасы" жобасы аясында партия филиалының төрағасы Әділ Қошалақов және партиялық бақылау комиссия мүшелерімен бірге Жосалы кентіндегі бірқатар мектептердің жанынан құрылған күндізгі тынығу лагері жұмыстарын аралады.

Жалпы жазғы тынығу лагерінің мақсаты: жазғы мезгілде оқушылардың демалысы мен денсаулығын жақсартуды ұйымдастыру. Оқушыларда қарым-қатынас дағдысын қалыптастыру, адамгершілік және мәдени құндылықтарды бекіту.

Салауатты өмір салтын ұстану әдеттерін қалыптастыру. Балаларды шығармашылыққа баулу, жылдам ойлауға, шапшаң қимылдауға үйрету, өзіндік ой-пікірі қалыптасқан тұлға тәрбиелеу болып табылады.

Аралау барысында Ә.Қошалақов бүлдіршіндерге жазғы демалыс кезінде жақсы тынығып, уақыттарын тиімді пайдалануларына тілектестігін білдірді.