Қармақшы ауданында имамдарға арналған семинар болды. Семинарда имамдардың атқаратын діни рәсімі неке қиюдың тәртібі бен шарттары талқыланып, пысықталды. Имамдар үшін осы тақырыптағы семинарлар күн өткен сайын өзекті болуы заман талабы болып отыр. Шара соңында ауыл имамдарының Құрбан айт мейрамына дайындықтары сөз болып, басшылықтан берілетін талаптар орындалып, сойылатын малдың шариғи талаптары жіті қадағалауда болу керектігі тапсырылды.

Сонымен қатар, өз ауылының дін қызметінде шаршамай, талмай белсенді басшыға бойсұнып қызмет етіп келе жатқан бірқатар имамдарға аудан әкімінің алғыс хаты табысталды.

© Аудандық Қармақшы ата мешітінің баспасөз қызметі