Аудандық мәдениет үйінде «Бестің шәйі» рухани-танымдық жобасының салтанатты марапаттау рәсімі өтті.

Айтулы іс-шараға аудан әкімінің орынбасары Ж.Ерқосаев қатысып, жиналған жұртшылықты Тәуелсіздіктің 30 жылдығымен және жаңа 2022 жыл мерекесімен құттықтады.

Салтанатты жиын аясында «Бестің шәйі» жобасының іске асырылуына атсалысқан ауылдарға «Руханият жанашыры», «Қонақжай ауыл», «Кәсіпкер ауыл», «Іскер ауыл», «Берекелі ауыл», «Үлгілі ауыл», «Көрікті ауыл», «Ұйымшылдық ұйытқысы», «Тағылымды ауыл», «Шебер ауыл», «Шығармашыл ауыл», «Жаңашыл ауыл», «Ізденімпаз ауыл» және «Үздік жоба» номинациялары табысталды.

Сондай-ақ, мәдениет саласында табысты еңбек етіп жүрген сала үздіктері аудан әкімінің алғыс хатымен марапатталды.

Іс-шара соңы аудан өнерпаздарының арнайы дайындаған концерттік бағдарламасымен жалғасты.