Зұлмат жылдар жаңғырығы

31 мамыр - саяси қуғын-сүргін құрбандарын еске алу күні. Осы күнге орай Қармақшы аудандық тарихи-өлкетану музейі қызметкерлері №27 орта мектеп оқушыларының қатысуымен кент орталығында орналасқан саяси қуғын-сүргін құрбандарына арналған ескерткіш алаңына танымдық экскурсия жүргізді.

"Зұлмат жылдар жаңғырығы" тақырыбында өткізілген экскурсия өткен ғасырдың басында тәуелсіздік идеяларын халық арасында дәріптеуге зор еңбек сіңіріп, азаттық жолында құрбан болған қайраткерлерге арналады.

Экскурсия барысында оқушыларға жазықсыз жазаға тартылған жерлестеріміз, ескерткіш тақтаға есімдері жазылған құрбандар туралы кеңінен ақпарат айтылды.