Тұрсынбаева Нұржамал Бектайқызы 2024 жылғы 20 мамырдағы Қармақшы аудандық аумақтық сайлау комиссиясының шешіміне сәйкес Ақжар ауылдық округінің сайланған әкімі ретінде тіркелді.

Нұржамал Бектайқызы 1967 жылы Қармақшы ауданы, Ақтөбе ауылдық округінде дүниеге келген.

1992 жылы Алматы қаласындағы Әл-Фараби Қазақ Ұлттық Мемлекеттік Университетін «Журналистика» мамандығы бойынша бітірген.

Алғаш еңбек жолын 1984 жылы «Қармақшы таңы» газетінің тілшісі болып бастаған.

1985-1986 жылдары облыстық «Ленин жолы» газетінің тілшісі.

1986-1998 жылдары Ақжар ауылдық №28 орта мектебінің мұғалімі.

2005-2019 жылдары Қызылорда облысының денсаулық сақтау басқармасының баспасөз хатшысы.

2019-2020 жылдары аралығында Қызылорда облыстық ішкі саясат басқармасына қарасты «Өңірлік Коммуникациялар қызметі» коммуналдық мемлекеттік мекемесінде бас маман қызметін атқарған.

2020-2024 жылдар аралығында Ақжар ауылдық округінің әкімі қызметін абыроймен атқарып келді.