2023-2024 оқу жылын 181 804 сырбойылық оқушы аяқтайды. Бұл туралы Қызылорда облысының өңірлік коммуникация қызметінде өткен брифингте басқарма басшысы Есжанов Асқарбек Темірбекұлы хабарлады.

24 мамыр күні облыстың барлық мектептерінде 1-10 сынып оқушылары үшін “Білімім – Отаныма!” тақырыбында бірыңғай сынып сағаты өтеді. Мұнда сынып жетекшілері білім алушылармен бірге оқу жылын қорытындылайды.

8 240 БІТІРУШІ ТҮЛЕКТЕР ҮШІН САЛТАНАТТЫ ІС-ШАРА 25 МАМЫР КҮНІ “МЕКТЕБІМ, САҒАН МЫҢ АЛҒЫС!” ТАҚЫРЫБЫНДА ӨТЕДІ.

Сондай-ақ емтихандарды өткізу уақыты белгілі болды. 5-8, 10 сынып оқушылары үшін емтихандар 27 мамырда басталады. Биылғы жылдың тағы бір ерекшелігі, 27 - 31 мамыр аралығында 5 - 8 сыныптарда білім алатын 69 715, 10 сыныптардағы 10 130 барлығы 79 845 оқушы бірінші рет “Қазақ тілі мен әдебиеті” пәнінен емтихан тапсыратын болады. Ал қорытынды бітіру емтихандары 9 сыныптағы 16 015 білім алушы үшін 2024 жылғы 29 мамыр – 10 маусым аралығында, 11 сынып білім алушыларының мемлекеттік бітіру емтихандары – 2024 жылғы 28 мамыр – 11 маусым аралығында өтеді.

Мұнымен қоса техникалық және кәсіптік білім беру ұйымдарын бітірушілер үшін қорытынды аттестаттау 28 маусымға дейін жүргізіледі, ал диплом тапсыру рәсімі 28 маусым мен 1 шілде аралығында өтеді.

Қызылорда облысының білім басқармасының баспасөз қызметі