Оқушыларға сапалы білім беруде тестілеу технологиясының пайдасы зор. Тиісінше, биылғы тестілеу көрсеткіші өткен жылмен салыстырғанда 5,6 пайызға артқан. Бұл туралы Қызылорда облысы Өңірлік коммуникациялар қызметінің ақпарат алаңында білім басқармасының басшысы Есжанов Асқарбек Темірбекұлы мәлімдеді.

- Биыл мектепті 8 051 түлек аяқтап, оның 89,6 пайызы тестілеуге қатысты. Осылайша тестке қатысушылар саны 5,6 пайызға артып отыр. Нәтижесінде, білім беру конкурсына қатысқан 4 973 түлек грант иегері атанды. 2023 жылы 102 оқушымыз халықаралық, республикалық деңгейдегі пәндік олимпиадалар мен ғылыми жобалардың жеңімпазы атанды. Облыстың пәндік олимпиадалық командасы жаратылыстану – математика бағытында республикада командалық есепте ІІ орынды, қоғамдық – гуманитарлық бағытта ІІІ орынды иеленді, - деді басқарма басшысы Асқарбек Есжанов.

Қызылорда облысының Өңірлік коммуникациялар қызметі