Қармақшы ауданы әкімі Жандос Еркінбектің төрағалығымен тұрақты кеңес мәжілісі өтті. Мәжіліске аудан әкімінің орынбасарлары мен мекеме, кәсіпорын басшылары және кент, ауылдық округ әкімдері қатысты.

Жиында «Жылу беру маусымының қорытындысы мен келесі жылу беру маусымына дайындық туралы» тұрғын үй коммуналдық шаруашылығы, жолаушылар көлігі және автомобиль жолдары бөлімі, «Егін егу науқанының барысы туралы» ауыл шаруашылығы мен жер қатынастары бөлімі, «Салық базасын ұлғайту бағытында атқарылып жатқан жұмыстар және бюджет қаржысының игерілуі, мемлекеттік сатып алу жұмыстарының барысы туралы» экономика және қаржы бөлімі басшыларының баяндамалары тыңдалды.

Аудан әкімі күн тәртібіндегі мәселелер бойынша тиісті сала басшылары мен кент, ауылдық округ әкімдеріне жұмыстарды ширату жөнінде нақты тапсырмалар беріп, жиынды қорытындылады.