qarmaqshy-tany.kz Қармақшы ауданы әкімі Жандос Еркінбектің төрағалығымен тұрақты кеңес мәжілісі болып өтті.

Кеңесте негізгі 3 мәселе қаралды. «ҚР мемлекеттік рәміздердің қолданылуы және көрнекі құралдардың жай күйі туралы» аудандық қоғамдық даму бөлімінің басшысы Ғ.Нысанбаевтың хабарламасы тыңдалып, аудан әкімі мемлекеттік рәміздер мен көрнекі үгіт насихат құралдары бойынша кемшілік жіберген кент, ауылдық округ әкімдері мен мекеме басшыларына шұғыл түрде қалпына келтіру жұмыстарын жүргізуді қатаң ескертті.

Күн тәртібіндегі екінші мәселе - «Аудан бойынша көркейту, көгалдандыру және санитарлық тазалықтың екі айлығының өту барысы туралы» аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Р.Ефенов хабарлама жасады.

Аталған мәселе бойынша аудан әкімі кент, ауылдық округ әкімдері мен мекеме, кәсіпорын басшыларына тазалық жұмыстарына аса мән беруді және мекеме ғимараттарының сыртқы келбеттерін әрлеп, сырлау жұмыстарын жүргізуді тапсырып, санитарлық-тазалық жұмыстары күнделікті қатаң бақылауында екенін жеткізді.

Сонымен қатар, аймақ басшысының жариялаған «Үлгілі аудан орталығы», «Үлгілі ауыл» атты номинациялары бойынша ауданнан конкурсқа ұсынылған тиісті кент, ауылдық округ әкімдеріне тазалық жұмыстарын конкурс талаптарына сай жүргізуді тапсырды.

Күн тәртібіндегі үшінші мәселе бойынша «Хаттамалық тапсырмалардың орындалу барысы туралы» аудан әкімі аппаратының басшысы С.Смағұлов хабарлама жасады.

Хабарламада көрсетілген мәселелер бойынша кент, ауылдық округ әкімдері мен тиісті сала басшыларына нақты тапсырмалар мен міндеттер жүктелді.