Іс-шараның мақсаты – туған өлке тарихын зерттеу, «Жасыл өлке», «Еңбегі адал жас өрен», «Қалдық заттарды іске асыру», «Экотәрбие», «Экотуризм» жобаларын насихаттау. Оған аудандық білім бөлімінің басшысы Г.Абдазиева, осы бөлімнің тәрбие саласы бойынша әдіскері А.Тоқшылықова және білім беру ұйымдарына қарасты мектеп директорларының тәрбие ісі жөніндегі орынбасарлары, әлеуметтік педагогтары, сынып жетекшілері қатысты.

Фестивальді бiлiм бөлiмiнiң басшысы Г.Мәжитқызы ашып берді. Мектеп директоры Б.Алмағанбетов іс-шараның мақсаты, бағдарламасы және «Жасыл мектеп», «Бір мектеп – бір жоба» жобалары аясында атқарылған жұмыстармен таныстырды.

Келелі шарада «Қолөнер» үйірмесінің жетекшiлерi О.Райымбеков, Ж.Жүнісов, «Театр», «Оқуға құштар мектеп» жобалары негізінде қазақ тiлi пәнiнiң мұғалiмi Г.Алмағанбетова өз қолынан тоқылған түрлі қуыршақ, киiм үлгілері мен қой жүнiнен жасалған бұйымдар көрмесiмен, сондай-ақ «Қуыршақ» балалар театры мүшелерінің шағын қойылымымен таныстырылым жасады. Мектеп жылыжайының жұмыстарымен мектеп директоры Б.Алмағанбетов пен «Жасыл желек» үйiрмесiнiң жетекшici Қ.Мерекова таныстырса, оқушылардың жазғы демалысын тиімді ұйымдастыру бағытында атқарылып жатқан жұмыстар да назардан тыс қалмады.

Одан бөлек, «Атқа міну мәдениеті» тақырыбындағы тәрбие сағатын 7-сынып жетекшiсі В.Шайхова, тәжірибе жүзінде көрсетіп берген «Әкелер мектебінің» мүшесі, ата-ана Д.Әлиев, «Ауылдан шыққан асылдар» тақырыбында Ақтөбе ауылы топырағынан шыққан белгілі тұлғалар туралы танымдық сағатын тарих пәнiнiң мұғалiмi А.Жансейітова, «Ауылдағы асық ойынының маңызы» тақырыбында дене шынықтыру пәнiнiң мұғалiмi Б.Киікбаев, «Отбасы тәрбиесіндегі ұлттық құндылықтар – бала тәрбиесінің қайнар көзі» тақырыбында 1 сынып жетекшісі Ә.Талқанбаева, «Оқуға құштар мектеп», «Театр» жобалары аясында ақиық ақын М.Мақатаевтың шығармашылығына арналған әдеби-сазды қойылымын қазақ тілі мен әдебиеті пәнінің мұғалімі В.Сүйеубаева, «Асарлар сыр шертеді» тақырыбындағы шараны тарих пәнiнiң мұғалiмi А.Байтанатова ұйымдастырып, қатысушылардың танымдық зердесін арттырды.

Фестиваль қорытындысында әдіскер А.Тоқшылықова семинарға жоғары баға беріп, белсенді атсалысқан бірқатар мұғалімге аудандық білім бөлімінің Алғыс хатын тапсырды.