Жолаушыларға түсіндірме жұмыстары жүргізілді
Ағымдағы жылдың 28 наурыз күні сағат 21.00-ден бастап Ақтөбе облысының ауа-райының нашарлауына байланысты республикалық маңызы бар М-32 «Самара-Шымкент» автомобиль жолының 1240-1357 шақырым аралығына (Ақтөбе облысының шекарасынан Арал қаласы дейін) барлық көліктердің қозғалысына уақытша шектеу қойылды.
Осыған байланысты жолаушылар аудан аумағында орналасқан кешендерге орналасуда. Аудан әкімінің орынбасары Айдын Әнуар мен бірқатар сала басшылары жолаушылармен кездесіп, түсіндірме жұмыстарын жүргізді.
Барлық кешендерде азық-түлік, дәрі-дәрмек және ауыз су толығымен жеткілікті. Қонақ үйлерде жолаушыларға қосымша резервтік жатын орындары қарастырылған.
Аудан аумағында қалған жолаушыларға толық бақылау қойылды. Сондай-ақ, аудан әкімдігі, төтенше жағдайлар бөлімі мен жол полициясы қызметкерлері тарапынан жолаушыларға жолдың жабық екендігі жөнінде ақпараттар берілуде.
