«Әз Наурыз - игіліктер бастауы!»
Наурызнаманың он күндігіне арналған іс- шаралардың бірі - Ынтымақ күні. Бұл күн өткенді еске түсіруден, ата-бабамыздың қазіргі уақытты қалыптастыруға және сақтауға қосқан үлесінің маңыздылығын түсінуден тұрады.
Ынтымақ күні – ел үшін маңызды тарихи оқиғалар мен ұлттың жетістіктерін еске алу уақыты.
Қармақшы ауданының орталық алаңында «Әз Наурыз - игіліктер бастауы!» атты өткізілген мерекелік шараға орай музей қызметкерлері Қорқыт ата мемориалды музейі қорындағы этнографиялық бұйымдардан көшпелі көрме ұйымдастырды.
Көрмедегі қолөнер бұйымдары, ер қаруларын, тұрмыстық бұйымдар және киіз үй жабдықтары жұртшылықтың қызығушылығын тудырып, қызықты фотосессиялар ұйымдастырылды.
Көрмені аудан тұрғындары және қонақтарымен бірге аймақ басшысы да тамашалады.
