Қолөнер - өшпес мұра

qarmaqshy-tany.kz Қармақшы аудандық тарихи-өлкетану музейінің ұйымдастыруымен музей қорындағы қолөнер бұйымдарынан және ауданымызға танымал қолөнершілердің туындыларынан «Қолөнер – өшпес мұра» атты көрме өткізілді. Көрмені аудандық Оқушылар үйінің үйірме мүшелері мен №27 мектеп оқушылары тамашалады.

Шара мақсаты – келушілерді тағылымы мол қолөнер үлгілерімен таныстыра отырып, халық өнерін қастерлеуге, үлгі тұтуға шақыру. Шара барысында ұлттық ою-өрнектердің мәні мен маңызы, ертеден кеңінен таралған этнографиялық бұйымдар және қыз – келіншектердің әшекей бұйымдары жайында ақпараттар айтылды.