"ҰЛЫ ДАЛА ТАРИХЫ" атты этнографиялық көрме

qarmaqshy-tany.kz Қармақшы аудандық тарихи-өлкетану музейінің ұйымдастыруымен Т.Көмекбаев атындағы №250 мектеп-лицейінде "Ұлы дала тарихы" тақырыбында этнографиялық көрме өткізілді. Музей қорындағы әуез аспаптары, зергерлік бұйымдар мен тұрмыстық заттар қойылған аталмыш көрмені оқушылар мен ұстаздар тамашалады.

Этнографиялық коллекция қазақ халқының тұрмысы мен мәдениетін кешенді көрсетуге мүмкіндік береді және олардың көпшілігі сирек кездесетін тарихи-мәдени құндылық болып есептеледі. Сондықтан оқушыларды музей қорында сақталған көне тарихи бұйымдармен таныстырып, ата-бабаларымыз тұтынған тұрмыстық заттарды көрсету, музейдің ең алғашқы этнографиялық түсімдері ретінде қалыптасқан экспонаттарды насихаттау көрменің негізгі мақсаты болып табылады.