qarmaqshy-tany.kz 25 қазан – Республика күніне орай Қармақшы аудандық тарихи - өлкетану музейі мен Ш.Уәлиханов атындағы №26 орта мектебі бірлесіп "ХІХ ғасырдағы Сыр өңірі қазақтарының пайдаланған тұрмыстық бұйымдары" тақырыбында көшпелі көрме ұйымдастырды. Көрме №26 мектептің тарих және құқық пәні бірлестігінің "ДАРХАН ДАЛАНЫҢ ТАРЛАН ТАРИХЫ" атты апталығына сәйкес өткізілді. Шара барысында музей экскурсоводы Баршагүл Сахиева оқушыларға көненің көзіндей сақталған музей қорындағы этнографиялық экспонаттарды таныстырды. Әсіресе, ер-тұрман, күбі, сәукеле, кебеже, тұскиіз, самаурын, жейде, келі - келсап, диірмен, торсық, ағаш табақ, ағаш ожау және т.б жәдігерлеріміз көрермен назарына ұсынылды.