Рамазан соңына дейін "Тегін такси" акциясы жүреді

Жосалы жамағатының ұйымдастырумен Рамазан соңына дейін тарауық намазына келген қарттар мен жастарға үйлеріне қайтуына тегін такси қызмет етпек.

Пайғамбарымыздың (с.ғ.с) хадисінде: «Өзі үшін жақсы көргенін бауыры үшін де жақсы көрмейінше ешқайсысыларың иман еткен болып саналмайсыңдар», – деп келеді (Бухари, Муслим, Тирмизи, Ахмад). Пайғамбарымыз (с.ғ.с) бұл хадисінде мұсылман адам өзіне қалағанды бауырына да қалау керектігін иманмен тікелей байланыстыруынан бұның қаншалықты маңызға ие екендігін байқаймыз. Хадис мәтініндегі «иман еткен болып саналмайсыңдар» деген сөзге келер болсақ, ондай адам имансыз болады деп хадисті тікелей түсінбеуіміз қажет. Ибн Хиббан хадистің бұл тұсын: «Пенде хақиқи иманға қол жеткізе алмайды», – деп түсіндірген.

Яғни, біз өзіміз көлікпен жүргенді қалаймыз. Басқаның да жаяу жүргенін қаламау керекпіз.

Осы тұрғыда бірлігі бекем жамағат көлігі барлары көлігі жоқ жас пен кәріні үйлеріне тегін жеткізу Рамазан соңына дейін жүреді.

Салихалы амалда жарысатын мұсылмандардың саны арта берсін!

© Аудандық "Қармақшы ата" мешітінің баспасөз қызметі