Сәлем салу – салтымыз
16 наурыз – Мәдениет және ұлттық салт дәстүр күніне орай К.Рүстембеков атындағы аудандық жыраулар үйінде «Сәлем салу» дәстүрі ұйымдастырылды.
Ертеден келе жатқан сәлем салу дәстүрі – қазақ келіндерінің үлкенге деген сый-құрметінен туған әдептілік белгісі.
Жыраулар үйіне келген ақ жаулықты аналарға иіле сәлем салған келіндер ибалық пен ізеттіліктің, үлкенге құрмет, кішіден ізет болар өнегені көрсетті.
Сондай-ақ, мерекелік іс-шарада аудандық қоғамдық кеңес төрағасы Әбдірахман Құлдүйсенов, аудандық ардагерлер кеңесінің төрағасы Асқар Мереков мерекелік лебіздерін білдіріп, ақжарма тілектерін жеткізді.
Әрі қарай іс-шарада халқымыздың халықтық ән-күйлері орындалып, жиналған жұртшылыққа мерекелік көңіл-күй сыйлады.
