Қазақстан Республикасының Әлеуметтік кодексінің 71-ші бабында көрсетілгендей балалы отбасыларды қолдау шараларының барлығы яғни, мемлекеттік жәрдемақылар мен төлемдердің 6 түрі қамтылған.

Оған қоса балалы отбасының жекелеген санаттарын қолдаудың қолданыстағы шараларын күшейтуге бағытталған бірқатар жаңалықтар енгізілуде. Ең негізгілерінің бірі - 2023 жылдың 1-ші қаңтарынан бастап бала күтімі бойынша жәрдемақы төлеу мерзімі бір жылдан бір жарым жасқа дейін ұзартылды. Ата-аналардың нәрестелерінің ең маңызды шағында көбірек жанында болу мүмкіндігі ұлғайды. Аталған норма жұмыс істейтін және жұмыс істемейтін ата-аналарға да тең қолданылады.

Бала күтімі бойынша жәрдемақы алуға үміткер әрбір ата-ана оның әлеуметтік сақтандыру жүйесіне қатысу өтілі неғұрлым көп болса, төлем мөлшері соғұрлым жоғары болатынын білуге тиіс. Бұл төлем бүгінде Мемлекеттік әлеуметтік сақтандыру қорына аударымдар жүргізілген табыстың 40%-ын құрайды. Ал, жұмыс істемейтін немесе бала туылғанға дейінгі соңғы екі жылда 6 айдан кем жұмыс өтілі бар ата-аналар жәрдемақы мен төлемдерге тек мемлекеттік бюджеттен ғана үміткер бола алады. 

Әлеуметтік кодекс бойынша осы санаттағы отбасыларды қолдау үшін төлемдер тоқтатылмайды және республикалық бюджеттен төленетін жәрдемақы мөлшеріне сәйкес төленетін болады.