Ақжар ауылдық кітапханасының ұйымдастыруымен Сәрсенбай Бөртебайұлы атындағы клуб үйінде "Адал - адам" мәдени тәрбие беру орталығы тұжырымдамасының "Әлем - book" жобасы аясында ақын, драматург, филология ғылымдарының докторы, Қазақстанның халық жазушысы Әбділда Тәжібаевтың 115 жылдығына орай "Асыл сөздің зергері" атты көркемсөз оқу шеберлерінің байқауы өтті.

Мақсаты: ақынның жерді құрметтеу, халқына, ана тіліне, Отанға деген сүйіспеншілік тақырыбында жазылған өлеңдері арқылы жас оқырмандарды жігерлендіру. Қаламгердің өмір жолын үлгі ету. Байқауға №28 мектебінің қазақ тілі және әдебиет пәнінің мұғалімдері Әбілдаева Ақмарал мен Тарғанова Назерке және "Рүстембек жырау" үйірмесінің жетекшісі Бедебаев Балтабай қатысып, жас оқырмандарға сәттілік тілеп, байқауға қазылық етті.

Байқауға №28 мектебінің 7 және 8 сыныптан барлығы 10 оқушы қатысып, ақынның өлеңдерін оқыды. Оқушыларға кітап көрмесі таныстырылды.

Нәтижесінде "Бас жүлде" 8 сынып оқушысы Достанбай Ерсін, І орын 8 сынып оқушысы Шегебай Ақгүлім, ІІ орын 8 сынып оқушысы Шарафадин Ақерке, ІІІ орынды 8 сынып оқушысы Тұрабай Аружан иеленді. Байқауға қатысушы оқушыларға Қармақшы аудандық орталықтандырылған кітапханалар жүйесі КММ директоры

Қ.Қаниеваның "Алғыс хаты" мен сыйлықтар табысталды.