Бүгін аудан әкімі Жандос Еркінбек Қармақшы ауылдық округінде жұмыс сапарымен болды. Жұмыс сапары барысында Қызылтам елді мекені кірме жолының жай-күйімен және фельдшерлік-акушерлік пунктінің құрылысы жүретін жер учаскесімен танысты.

Қызылтам елді мекеніне кіре беріс автомобиль жолы қайта жаңғыртылуда. Бүгінге дейін жолдың 4,6 км жолға жері көтеріліп, құм мен қара қиыршық тас төселді. Қазіргі таңда мердігер мекемемен жол бойында орналасқан су өткізгіш құбыр орны дайындалып, орнатылуда.

Аудан басшысы құрылыс нысандарының жұмысын сапалы жүргізуді міндеттеп, сала басшыларына бірқатар тапсырмалар жүктеді.

Ⓒ Қармақшы ауданы әкімінің баспасөз қызметі