Жаңа кәсіпкерлік нысан ашылды
Бүгінде, жаңа Қазақстанның әлем көшбасшыларының қатарына қосылу жолындағы мұраты айқын, қол жеткізген жеңістері мен жетістіктері жетерлік. Төретам кентіміздің экономикасы да қарыштап дамып, кәсіпкерлік саласы өркендеп келеді. Бүгінгі ашылғалы тұрған кәсіпкерлік нысан – соның бір айғағы, елдегі жарқын істердің жемісі.
Жаңа 2024 жылдың басты жағымды жаңалығы болып, кентіміздің тұрғындарына қуаныш сыйлайтын тағы бір нысан келушілерге есігін айқара ашпақ.
Жеке кәсіпкер Жадыра Әлшоразова даму мемлекеттік бағдарламасы шеңберінде мемлекеттен жартылай қолдау тауып, жеке қаражат есебінен Төретам кентінен еңсесі биік «Ерке LIKE» мейрамханасын ел игілігіне ұсынуда.
Ғимараттың төменгі қабатында 70 орындық жастарға арналған замануи тіл үйірер ас мәзірімен бар орналасса, екінші қабатта 150 орындық түрлі отбасылық мерекелерді өткізуге таптырмас тамаша мейрамхана ел игілігіне жұмыс жасап, 25 адамды жұмыспен қамтуға дайын.
