Ағымдағы жылы жалпы білім беретін пәндер бойынша Республикалық олимпиаданың ІІІ (облыстық) кезеңі өз мәресіне жетті. Шәкірттердің дәстүрлі білім сайысында негізгі пәндер бойынша облысымыздың барлық аудандарынан және қаладан оқушылар қатысып, бақ сынады.

Екі күнге созылған пәндік олимпиадада №250 мектеп-лицейінің оқушылары жоғары білімдерін байқатып, білімнің әр салаларында үздік болуға айтулы ынталарын көрсете білді.

Облыстық пәндік олимпиадаға 9 оқушы білім додасына қатысып, нәтижесінде құқық негіздері пәнінен 9-сынып оқушысы Тоғызбаева Жұлдызай 1-орынды, қазақ тілі мен әдебиеті пәнінен 10-сынып оқушысы Орынбасаров Ердәулет 2-орынды, құқық негіздері пәнінен 11-сынып оқушысы Қосмұханов Тұрар 3-орынды жеңіп алса, ағылшын тілі пәнінен Назарқұлова Ұлдана мен география пәнінен Шалқарбек Әділет алғыс хатпен марапатталды.

«Білімді шәкірт-ұстаз айнасы» дегендей оқушылардың білім алуына аянбай еңбек етіп жүрген пән мұғалімдері Дүйсенова Салтанат, Жұмағалиева Қарлығаш, Саршаева Айнұр, Ермаханов Мерей, Алтруова Айманның еңбегі зор.