2024 жылдың 2-5 қаңтары күндері аралығында Қызылорда облысы, Жаңақорған ауданының "Шипа" сауықтыру шипажайында «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институты және Қызылорда облыстық Білім және ғылым қызметкерлерінің кәсіподақ комитетінің бірлесіп ұйымдастыруымен шығармашыл ұстаздардың облыстық «Тәжірибе алаңы» өткізілуде.

Ұйымдастырылған шараға Қармақшы ауданы бойынша білім беру ұйымдарының шығармашыл ұстаздары қатысып, шараның алғашқы күнінде оқ бойы озып,алдыңғы қатардан көрінді.

Айта кетейік, бүгінгі ұйымдастырылған "Брейн-ринг- 2024" сайысында сұрақ-жауап шарттары бойынша 9 команда арасынан "Қармақшы білім" командасы алға суырылып,
І орынды жеңіп алса, " Ауылдың алты ауызы" топтар арасындағы мәдени- іс шарасында да жеңіске жетіп, І орынды қанжығаға байлады.