Жыл таңдауы 2023: Аудандық білім бөлімі және кәсіподақ комитетінің ұйымдастыруымен жаңа жылдық кеш өтті

qarmaqshy-tany.kz Аудандық білім бөлімі және кәсіподақ комитетінің ұйымдастыруымен «Жыл таңдауы 2023» жаңа жылдық қорытынды кеші болып өтті. Мерекелік салтанатқа аудан әкімі Жандос Еркінбекұлы қатысты. Білім саласындағы әртүрлі бағыт бойынша білім, спорт, өнер, бәйгелерінен облыстық, республикалық, халықаралық жарыстарда топ жарған шәкірт жанының бағбаны болған ұстаздарға алғысын білдіріп, бірқатар сала ардагерлері мен ұстаздарға марапаттар табыстады.

Осы ретте жыл қорытындысына сәйкес ауданымыздың білім ордалары облыста үздік деп танылды. Олар "Озық идеялар мен технологиялар ордасы" номинациясы бойынша №279 мектеп-лицейі, "Үздік әлеуметтік әріптес" номинациясы бойынша №99 орта мектебі, "Ынтымағы жарасқан ұжым" номинациясы бойынша №19 "Балдәурен" бөбекжай-бақшасы деп танылған болатын.

Ұлтқа қызмет етуді ұстынына балаған ұлылықтың басындағы ұлағат иелері ұстаздардың шәкірт бойына жаққан сәулесі мәңгілік маздасын! Жаңа жыл ауданның білім саласына толағай табыстармен жетсін!

Қармақшы ауданы әкімінің баспасөз қызметі