Егіздердің еңбегі ақталды

Тәуелсіздік мерекесі қарсаңында Байқоңыр қаласында "Күй табиғаты" атты қалалық білім басқармасының ұйымдастыруымен өткен облыстық байқауда аудандық Тұрымбет Салқынбаұлы атындағы өнер мекетбінің қос өнерпазы жеңіс төрінен көрінді. Байқау – күйші Құрманғазы Сағырбайұлының туғанына 200 жыл және Ақан сері Қорамсаұлының туғанына 180 жыл толу мерекесіне орай ұйымдастырылды.

Ш.Уәлиханов атындағы №26 орта мектептің 8-сынып оқушылары Нұрғиса Маханбетов Құранғазының «Кеңес» күйін фортепианода нақышына келтіре орындап І дәрежелі дипломды иеленсе, сыңары Нұрсая Маханбетова қобыз аспабымен Құрманғазының «Қызыл қайыңын» орындап ІІ дәрежелі диломды қанжығасына байлады. «Ұстазы жақсының ұстамы жақсы» дегендей, жас өнерпаздардың жетекшілері Т.Салқынбайұлы атындағы аудандық өнер мектебінің білікті маманы Әйгерім Нұрман мен Салтанат Ақназардың да еңбегін айта кету керек. Үміттері ақталған бос бауырдың жеңісіне құтты болсын айтып, алдағы уақытта алар асуы мен жетер шыңы биік болсын деп тілектестік білдіреміз.