Күйші жігіт жүлделі болды
Бүгін Тасбөгет кенті әкімдігінің қолдауымен, С.Майқанова атындағы мәдениет үйінің ұйымдастыруымен күй атасы Құрманғазы Сағырбайұлының туғанына 200 жыл толуына орай және Ұлттық домбыра күніне арналған «Күмбірле, күміс домбыра» атты облыстық күйшілер сайысы болып өтті. Күй атасы Құрманғазының күйлерін халыққа кеңінен насихаттау, ұлттық мұраны кейінгі ұрпаққа жеткізу, күй жанрының дамуына серпін берумен қатар жас домбырашылардың орындаушылық шеберлігін жетілдіру арқылы ұрпақтар сабақтастығын жалғастыру мақсатында ұйымдастырылған байқауда ІІІ Интернационал ауылының түлегі Бақдәулет Сәбитұлы жүлделі бірінші орын иегері атанды. (Жетекшісі Г.Абдирова). Ол қазіргі таңда Қазанғап атындағы Қызылорда жоғары колледжінің 1 курс студенті.
