Салық декларациясын тапсырмаған қазақстандықтарға қандай жаза қарастырылады?

Қаржы министрлігі салық декларациясын тапсырмаған қазақстандықтарды қандай жаза күтетінін айтты, - деп хабарлайды Tengrinews.kz тілшісі.

"Егер жеке тұлға декларация ұсынбаған болса, онда әкімшілік хаттама (жасалады - еск.), онда ескерту жазылады, яғни айыппұл төлеудің қажеті жоқ.

Бір жыл ішінде бұл заңбұзушылық қайталанса, айыппұл 15 АЕК болады, бұл - 51 мың теңге (2023 жылғы АЕК негізінде 3 450 теңге – еск.)", - деді Қаржы министрлігі Мемлекеттік кірістер комитетінің өндірістік емес төлемдерді, жеке тұлғаларды және арнайы салық режимдерін әкімшілендіру департаментінің директоры Нұржан Қуандықов.