qarmaqshy-tany.kz Қармақшы ауданы әкімінің орынбасары Самат Қыдырбекұлы аудандағы қоғамдық іс-шараларға белсенді атсалысып, қайырымдылық істерге қатысып, мұқтаж адамдарға қамқорлық танытып жүрген еріктілерді қабылдап, құрмет көрсетті.

Жиын барысында, ауданда қайырымдылық істердің ұйымдастырылуына белсене атсалысып жүрген еріктілерге алғысын жеткізіп, алдағы уақытта да адамгершілік қасиеттерімен ерекшеленіп, халық құрметіне ие болып жүре берулеріне тілектестігін жеткізді.

– Еріктілік бүкіл әлемге жылу сыйлайтын ерекше миссия. Сіздердің еңбектеріңіз тұтас қоғам үшін маңызды. Игі жұмыстарыңыз үшін шексіз алғысымды білдіремін. Сарқылмас қуат, амандық, барлық бастамаларыңызға сәттілік тілеймін!, – деді аудан әкімінің орынбасары.

Іс-шара соңында, еріктілерге аудан әкімінің алғыс хаттарын табыстап, құрмет көрсетті.